မိုးငွေ့ဆိုတာ...ကော်ဖီခါးခါးအကြိုက်နဲ့ ဖက်ရှင်တအားမိုက်သူပေါ့...း)

Friday, 8 December 2017

မအားလို့ပါ.....



ထုံးစံအတိုင်း အင်းဝကိုတော့ အမြဲရောက်ဖြစ်နေလို့ စာအုပ်လေးတွေထပ်ဝယ်ဖြစ်တယ် မြန်မာဝတ္တုတို ရာပြည့်ခရီးအတွက် ဆရာကြီးတွေ ဆရာမကြီးတွေရဲ့ လက်ရွေးစင်ဝတ္ထုတိုငါးပုဒ်ဆီပါတဲ့ စာအုပ်ပါးလေးတွေထွက်လို့ ကိုယ်ကြိုက်တဲ့ စာရေးဆရာတွေရဲ့ စာအုပ်ကိုရွေးဝယ်ဖြစ်ခဲ့တယ်...။ ဖတ်ပြီးပြီလားလို့တော့ မမေးနဲ့ တစ်အုပ်မှကိုမဖတ်ရသေးပါဘူး...။ ခုရက်ပိုင်း အလုပ်များနေတယ် ...။ ဒါကြောင့် ဒီဖက်ကိုသိပ်မလှည့်နိုင်ဘူးဖြစ်နေတယ်..။ စာအုပ်လေးတွေဖတ်ပြီးရင်တော့ တစ်ခုခုရေးဖြစ်ဦးမှာပါ...။






လောလောတယ် မယ့်ကိုးစာအုပ်ကိုစဖတ်နေတယ် ခုမှ စာမျက်နှာဆယ်မျက်နှာလောက်ရှိမယ်...။ သူ့စာအုပ်ကိုဖတ်ရတာ အရင် ပထမဆုံးစထွက်တုန်းက “အသင်နားမလည်နိုင်သောမိန်းမတစ်ယောက်” အတိုင်းပဲ ခံစားမှုတွေကိုပြန်ရတယ်...။ အဲတုန်းက ဒီမှာ ကျွန်မရေးခဲ့ဖူးတဲ့အတိုင်း သူ့စာထဲက ခံစားရတဲ့ မွှန်းကြပ်မှုတွေ နာကျည်းမှုတွေကိုပြန်ရတော့ ကျွန်မ သူ့စာအုပ်ကိုဆက်မဖတ်ဖြစ်သေးဘဲ နောက်မှ တစ်အုပ်လုံးပြီးအောင် တချိန်တည်းပြီးအောင် အေးအေးဆေးဆေးဖတ်မယ်လို့ Book Mark လုပ်ထားလိုက်တယ်...။



Instagram မှာ ဒီးဒီ(စန္ဒီမြင့်လွင်)ရဲ့ ထုတ်ကုန်လေးတစ်ခုပုံတင်ထားလို့ လာပြတာ...။ သူထုတ်တဲ့ Ko Ko တံဆိပ်နဲ့ ဖိနပ်လေးတွေ စီးချင်စရာ...။ စကော့ဈေးထဲမယ် သွားရှာဝယ်ဦးမယ်...။

ကျွန်မခုတလော အိမ်တွင်းအလှဆင်ဖို့ ပစ္စည်းပစ္စယလေးတွေ လိုက်ရှာပြီး ၀ယ်စုနေတယ်...။ အရုပ်တွေ မီးပစ္စည်းတွေ နံရံချိပ်ဘောင်တွေ စာသားတွေကအစ အင်တာနက်ကရှာပြီး ကိုယ့်ဘာသာကို လုပ်ကြည့်နေတယ်...။ အိမ်ထဲမှာလိုအပ်တဲ့ Cabinet , TV console,  Room Divider, Wardrobe, Carpet, Shoe rank, Furniture, bean bag, cushion နဲ့ စာအုပ်စင် စာအုပ်ဖတ်မယ့်ထိုင်ခုံ ၀ရံတာမြက်ခင်းပြင် ပန်းအိုးလေးတွေတင်မယ့်စင် outdoor ကော်ဖီသောက်မယ့်စားပွဲထိုင်ခုံ စတာတွေ ပြင်ပြီးသွားရင် လာကြွားပါဦးမယ် နည်းနည်းတော့ကြာဦးမယ်...:)

မိုးငွေ့


Friday, 1 December 2017

သီချင်းတစ်ပုဒ်၏ခေါ်ဆောင်ရာ.....



ကျွန်မ Iphone ထဲမှာ Music FM ဆိုတဲ့ Meet awesome music  ရေဒီယိုလေးထည့်ထားတယ်...။ အဲဒီရေဒီယိုမှာ ဂီတအမျိုးအစားမျိုးစုံပါတယ် Jazz R&B Classic French Rock Pop Country Blues Electronics Folk Emo Hip Hop Metal Korean Japan Dancing စသဖြင့် ပေါ့...။  ကျွန်မက R&B ကြိုက်တော့ သူ့ထဲကိုမွှေနှောက်ရှာပြီး သီချင်းတွေနားထောင်ဖြစ်တယ်...။ များသောအားဖြင့် လွန်ခဲ့တဲ့ ဆယ့်ငါးနှစ် နှစ်နှစ်ဆယ်က သီိချင်းတွေကို ပြန်ရှာဖြစ်တယ်..။ Boyz II Men အဖွဲ့ကိုရှာကြည့်တော့ 1997 98 လောက်က တက္ကသိုလ်တက်တုန်း တော်တော်များများနားထောင်ဖြစ်ခဲ့တဲ့ သီချင်းတွေကို ပြန်ဒေါင်းပြီး နားထောင်မိတယ်..။ အဲဒီခေတ်က Boy Band တွေမှအများကြီး... All 4 One, Back Street Boy, 98ံ, Boy Zone  အများကြီးမှအများကြီး...။ သူတို့အဖွဲ့တွေ အားလုံးပေါက်ကြတယ်...။ အဲတုန်းက ရှစ်ပေစလောင်းတွေ အိမ်မှာတပ်ပြီး ကြည့်ကြတော့ MTV ကို ကျွန်မက အချိန်အားတိုင်း ကြည့်ဖြစ်နေတတ်လို့ သူတို့သီချင်းတွေကို Up to Date သိနေခဲ့တာ..။ ကိုယ်ကြိုက်တဲ့ သီချင်းတွေကို အခွေဝယ် လက်ရွေးစင်ပြန်ကူးအဲလိုမျိုးတွေ ကိုယ့်ဘာသာကိုယ် အိမ်ကစက်နဲ့ လုပ်ခဲ့ဖူးတယ်...။

ကျွန်မ ဒီရေဒီယိုထဲက သီချင်းဟောင်းတွေပြန်နားထောင်ရင်း Boyz II Men ရဲ့  Four Seasons of Loneliness အပြင် Water Runs Dry, I'll make love to you, First Love နဲ့ Mariah Carrey featuring ပါဝင်သီဆိုထားတဲ့ One Sweet Day စတာတွေကိုလည်းပြန်နားထောင်ဖြစ်ခဲ့တယ်...။

ဒီသီချင်းနဲ့ ပတ်သက်ပြီး ကျွန်မ တက္ကသိုလ်တုန်းက Crush ခဲ့ဖူးတဲ့ ကောင်လေးတစ်ယောက်အကြောင်းကို နည်းနည်းပြောချင်တယ်...။ ကျွန်မ ဒုတိယနှစ်ရောက်တော့ ကျွန်မတို့ RC3 ကို နောက်ထပ် Fresher လေးတွေထပ်ရောက်လာခဲ့တယ်...။ ကျွန်မ မင်းသားညီနန္ဒ နဲ့ စိန်ယာ့ဒ် အကြောင်းကို ဒီမှာ နဲ့ ဒီမှာ တစ်ခါရေးဖူးခဲ့ပါတယ်...။ ကျွန်မ Crush တဲ့ ကောင်လေးက ရုက္ခဗေဒမေဂျာက စိန်ယာ့ဒ်နဲ့ သူငယ်ချင်းတွေ..။ သူ့နာမည်က အောင်ကိုကိုအေး နာမည်ကသာတုံးတာ လူကအလန်း အဲဒီခေတ်ကတည်းက သူဆံပင်ပုံက ခုခေတ်စားနေတဲ့ One way ကေ...။ ကျောင်းလာရင် ဂျင်းပင်နဲ့ စတစ်ကာပုံဆန်းတီရှပ်နဲ့ ကျောပိုးအိတ်မျိုးစုံနဲ့ ရှူးဖိနပ်နဲ့ ရှိုးအပြည့်နဲ့လာတာ..။ တခါတလေ Dr Martin ဖိနပ်တွေဘာတွေတောင်စီးတတ်သေးတာ..။ အသားညိုညို မျက်ခုံးကောင်းကောင်း မျက်နှာကျရှည်ရှည် မေးစေ့နည်းနည်းကောက်တယ်... နားကွင်းကလည်းတစ်ဖက်ပါသေး...။  အောင်ကိုကိုအေးက ကျွန်မတို့လို့ သိပ္ပံမဟုတ်ဘူး သူက ၀ိဇ္ဖာ ပထ၀ီမေဂျာက...။ သူတို့အတန်းက ကျွန်မတို့နဲ့ နည်းနည်းဝေးတယ်... ၀င်ဝင်ချင်း ဆင်ဝင်ပေါက်ကျော်တာနဲ့ ညာဖက်ခြမ်း ဆရာများနားနေဆောင်နဲ့နီးတယ်..။ ကျွန်မတို့ Chemistry Practical လုပ်တဲ့ အခန်းနဲ့လည်းနီးတယ်...။  အဲ... သူက ကျွန်မတို့ အတန်းရှေ့မှာ ရှိတဲ့ စိန်ယာဒ့်တို့ဆီလာရင်းနဲ့ သူ့ကိုတွေ့ဖူးတာ...။ သူ့ကိုသူငယ်ချင်း အဖြစ်မိတ်ဆက်ကြမယ်လို့ ကြံကြတော့ ကျွန်မတို့ ကျောင်းမှာ ရံပုံငွေပွဲအတွက် ကြာဇံချက်စားဝယ်စားလို့ရတဲ့ လက်မှတ် ကျွန်မလက်ထဲရှိနေခဲ့တယ်...။ အဲဒီလက်မှတ်နဲ့ အဲကောင်လေးကို ကြာဇံချက်စားဖို့ ဖိတ်လိုက်တယ်...အယ်လဲ :P ...။ အဲဒါနဲ့ ကျွန်မတို့အဖွဲ့နဲ့ သူတို့အဖွဲ့ သူငယ်ချင်းတွေ ဖြစ်သွားကြတယ်...။ သူတို့အဖွဲ့မှာက စိန်ယာ့ဒ်ရယ် ဆွီတီရယ် အောင်ကိုကိုအေးရယ်...။  သူက သူ့နာမည်မကြိုက်လို့ သူ့ကိုယ်သူ သူရိန်အောင်ဆိုပြီးပေးထားတဲ့ နာမည်နဲ့ပဲ ကျွန်မတို့ကိုမိတ်ဆက်တယ်..။ ဆိုတော့ သူ့ကို ကျွန်မက သူရိန်အောင်လို့ခေါ်ရတာပေါ့..။ သူကလည်း ကျွန်မနဲ့စကားပြောရင် သူ့ကိုယ်သူ ကျွန်တော်လို့ပြောတာထက် သူရိန်လို့ပဲ သူ့ကိုသူပြောတယ်...။

ကျွန်မ သူ့ကို Crush တယ်ဆိုတာကလည်း ကျွန်မတို့တစ်ကျောင်းလုံးမှာ သူ့စတိုလ်က အမိုက်ဆုံးကိုး...။ သူတို့အဖွဲ့ထဲက ဆွီတီလည်းသူရိန့်လို စတိုင်လ်ပဲ...။ သူက ဆရာဝန်သား ညီအစ်ကိုသုံးယောက်မှာ အငယ်ဆုံး ရည်စားရှိတယ် ခရစ်ယာန်ဘာသာဝင်ပဲ လမ်းမတော်စိန်ဂျွန်းမှာ Church တက်တယ်...။ သူရိန်ရော ဆွီတီရော အသားညိုတယ် အပြုံးချိုတယ် စကားပြောကောင်းတယ်...။ ပြီးတော့ သူရိန်က Dancer တစ်ယောက်လည်းဟုတ်တယ်...။ မင်းသားညီနန္ဒ သူတို့အဖွဲ့နဲ့ လာမိတ်ဖွဲ့တာ သူ့ဆီက အကသင်ချင်တဲ့ ရည်ရွယ်ချက်နဲ့...။ နောက်တော့ သင်ဖြစ်မသင်ဖြစ်တောင်မသိတော့ဘူး...။ ကျွန်မတို့ သူငယ်ချင်းတွေဖြစ်သွားတော့ သူ့အစ်မရှိတဲ့ မိန်း(ရန်ကုန်တက္ကသိုလ်) ထဲကို အတူသွားလည်ဖြစ်ကြသေးတယ်..။ သူ့အစ်မ မဒါလေးက အင်္ဂလိပ်မေဂျာကဆိုတော့ ကျွန်မတို့ ဦးချစ်လက်ဖက်ရည်ဆိုင်တွေ ဘာတွေထိသွားထိုင်ဖြစ်ကြသေးတယ်..။ ကျွန်မတို့ ကျောင်းမှာ ဗော်လီဘောပြိုင်ပွဲလုပ်တော့ ကျွန်မတို့တစ်ဖွဲ့ကြီး ဦးပြောင်ကြီးထမင်းဆိုင်ကနေထိုင်ကြည့်ကြတယ်...။ ကွင်းက ကန်တင်းရှေ့မှာပဲလေ..။ အဲနေ့တုန်းက စည်သူ(ညီနန္ဒ)က နေကြာစေ့အထုပ်ကြီး တစ်ထုပ်ယူလာတော့ ဗော်လီဘောပွဲကြည့်ရင်း အားလုံးနေကြာစေ့ကိုက်ကြတာ..။ သူရိန်က နေကြာစေ့စားတာများပြီး သွေးကျရော သူ့ခင်ဗျာချွေးစေးတွေပျံပြီး မူးလာတာ အဲဒါနဲ့ သူအိမ်ပြန်လိုက်ရတယ်...။ သူ့အိမ်က ကျောင်းနဲ့ နှစ်မှတ်တိုင်ထဲဝေးတာ..။ ကျောင်းရှေ့ ဟုန်းလမ်းပြီးရင်  သီတာရုံမှာဆင်းရတယ်...။ သူက ဦးလူနီလမ်းထဲက ကရင်ခြံမှာနေတာ..။ ကျွန်မလည်း ၃၃ကားစီးတော့ သူ့ကို အိမ်ထိပြန်လိုက်ပို့လိုက်တယ်...။ နောက်တော့ သူ့မိသားစုနဲ့ ကျွန်မ နှစ်တော်တော်ကြာတဲ့အထိ ခင်မင်ရင်းနှီးသွားကြတယ်...။ သူတို့က မောင်နှမနှစ်ယောက်တည်း သူ့အဖေက Total ရေနံကုမ္ပဏီက အင်ဂျင်နီယာ အမေကတော့ အိမ်ရှင်မပဲ..။ အန်ကယ်က ဗုဒ္ဓဘာသာ အန်တီမရီးနာက ခရစ်ယာန် သူရိန်တို့မောင်နှမကတော့ ခရစ်ယာန်အမျိုးတွေကြားကြီးပြင်းလာတော့ နှစ်ယောက်စလုံး ခရစ်ယာန်နှစ်ခြင်းတွေ ယူကြတယ်..။

နောက်ပိုင်း ကျွန်မသူတို့မိသားစုနဲ့ ရင်းနှီးသွားတော့ သူတို့အိမ်မှာ ဆုတောင်းပွဲလုပ်တဲ့အခါ အလှူလုပ်တဲ့အခါ ခရစ္စမတ်ပွဲလုပ်တဲ့အခါတိုင်း ရောက်ဖြစ်တယ်....။ အန်တီမရီးနာရော အန်ကယ်ဦးအောင်အေးရော သိပ်သဘောကောင်းကြတယ်...။ အန်တီဆို ကျွန်မသူတို့အိမ်ရောက်တိုင်း ထမင်းအမြဲကျွေးတယ်...။ ဘာဟင်းပဲချက်ချက် ကျွန်မရောက်တာနဲ့ ထမင်းစားပြီးမှပြန်ရတယ်..။ တခါတလေ ကျွန်မသက်သတ်လွတ်စားတဲ့နေ့နဲ့တိုက်ရင်တောင် စိတ်ရှည်လက်ရှည် ကန်စွန်းရွက်ကြော် ကျွေးတတ်သေးတယ်....။ တခါက မေဂျာတွေ ဘောလုံးကန်ပြိုင်ကြတာ မိန်းထဲကကွင်းမှာ သူရိန်တို့ ပထ၀ီနဲ့ ရုက္ခဗေဒနဲ့ကန်တာ ကျွန်မက ကိုယ့်မေဂျာမဟုတ်ဘဲ မနက်စောစောစီးစီးသွားအားပေးတော့.. ကျွန်မတို့ Zool အတန်းရှေ့က Bot ကျောင်းသူတချို့က ကျွန်မကို ဘယ်သူ့လာအားပေးသလဲဆိုပြီး စပ်စုကြသေးတာ..။ ကျွန်မလာအားပေးတာက ဟိုး...ဂိုးဒိုင်နားက ဘောင်းဘီအနားစကိုဆွဲတင်ပြီး ဘောဖမ်းဖို့ တပြင်ပြင်လုပ်နေတဲ့ အသားညိုညိုနဲ့ ကောင်လေးကိုလို့...။ အဲဒီနေ့က သူတို့ ပထ၀ီမေဂျာက နိုင်သွားတယ်...။ ကျွန်မကို သူတို့မေဂျာနိုင်လို့ အဲဒီနေ့က မုန့်လိုက်ကျွေးသေးတယ်...။ 

သူရိန်နဲ့ကျွန်မ 1997 ကနေ 2003-4 အထိ အဆက်သွယ်ရှိကြသေးတယ် ...။ ကျွန်မတို့ 2000ခုနှစ်ကျောင်းပိတ်သွားတော့ သူ မော်ဒယ်လ် ကောင်မလေးတစ်ယောက်နဲ့ ရည်းစားဖြစ်သွားတယ်...။ နောက် သီချင်းတစ်ခွေထုတ်သေးတယ်..။ သူတို့အဖွဲ့နာမည်တောင် မမှတ်မိတော့ဘူး...။ ပိုင်ဇေရဲထွန်းလုပ်တဲ့ ဆီဒိုးနားရှိုးပွဲမှာ သူတို့ Dancer အဖွဲ့လာကတော့ ကျွန်မတို့ ပြန်တွေ့ဖြစ်ကြတယ်..။ အဲဒီပွဲမှာ သူက ကျွမ်းထိုးရင်း အကျမတော်လို့ ခါးကျောညှပ်သွားတာ ဆေးရုံတက်လိုက်ရတယ်...။ ဆေးရုံပေါ်မှာ ခဲဆွဲတာလုပ်ရတယ်...။ သူ့ရည်းစားဆိုတဲ့ ကောင်မလေးနဲ့သူက အဆင်မပြေကြဘူး...။ သူဆေးရုံတက်တော့ ကောင်မလေးက တစ်ခါမှတောင်လာမကြည့်ဘူး..။ ကျွန်မကသာ ကျွန်မသူငယ်ချင်းဆေးရုံကုတင်ဘေးမှာ နေ့တိုင်းလိုလိုရှိနေခဲ့တာ...။ အန်တီမရီးနာက နေ့လည်ထမင်းချိုင့်လာပို့ရင် ကျွန်မအတွက်ပါယူယူလာတတ်တယ်...။ ကျွန်မတို့ ထမင်းအတူစားကြတယ်..။ သူ့ခြေထောက်တွေက ခဲဆွဲထားတာကြာတာ့ ခဲခဏဖြုတ်ရင် အညောင်းသက်သာအောင် သူ့ခြေသလုံးတွေကို ကျွန်မနှိပ်ပေးတယ်...။ ကျွန်မကိုသူက ဘာလို့ သူ့ကို ဒီလောက်တောင်ဂရုစိုက်ရတာလဲလို့မေးတယ်...။ “နင်က ငါ့ရဲ့ Crush ဖြစ်နေလို့ပေါ့” လို့ကျွန်မစိတ်ထဲကပဲ ဖြေခဲ့တယ်...။ သူကျွန်မစိတ်ကို ဖတ်တတ်နေပါပြီ...။ ကျွန်မကို သူ သူငယ်ချင်းတစ်ယောက်ထက် ပိုပြီးလည်း အခွင့်အရေးမယူခဲ့ပါဘူး...။ နောက်တော့ သူ အင်္ဂလန်ကိုထွက်သွားခဲ့တယ်...။ အဲဒီနောက် ကျွန်မတို့မဆုံဖြစ်ကြတော့တာ ဒီနေ့ထိပဲ...။ အစ်မဒါလေးနဲ့တော့ လမ်းမှာကလေးကျောင်း ကြိုရင်းနဲ့ တစ်ခါ နှစ်ခါ တွေ့တတ်တယ်...။ ခု သူရိန်က လွန်ခဲ့သောနှစ်များစွာထဲကတည်းက အင်္ဂလန်က ကရင်မလေးတစ်ယောက်နဲ့ လက်ထပ်ပြီး သားကလေးတစ်ယောက်တောင်ရနေပြီ...။ အရင်လို ကျွန်မ Crush နေတဲ့ ကောင်လေးပုံမဟုတ်တော့ဘူး နဖူးပြောင်ပြီး ၀တုတ်ကြီးဖြစ်နေပြီ...။ 

သီချင်းတင်ရင်း ဇာတ်ကြောင်းပြန်တာရှည်သွားတယ်...။ ဒီသီချင်းလေးတွေကို ဟိုတစ်ချိန်က ကျွန်မ Crush တဲ့ကောင်လေးနားထောင်ဖို့ဆိုပြီး လက်ရွေးစင်ခွေတွေ တစ်ခွေပြီးတစ်ခွေကူးပေးခဲ့ဖူးတဲ့ သီချင်းတွေပေါ့..။ သူကိုယ်တိုင်မောင်းခဲ့တဲ့ EXIV ကားထဲ ကျွန်မပေးတဲ့ သီချင်းသံတွေ လွင့်ပျံခဲ့ဖူးတယ်ပေါ့...။


မိုးငွေ့


Friday, 24 November 2017

Quiche.....



ဒီပို့စ်လေးကို မုန့်သင်တန်းတက်ကတည်းကရေးထားတာ ခုမှတင်ဖြစ်တော့တယ်..။ အဲဒီနေ့တုန်းက ဆရာက ပြင်သစ်စားစရာမုန့်တစ်ခုဖြစ်တဲ့ Quiche ဆိုတဲ့ မုန့်သင်ပေးခဲ့ပါတယ်..။ နောက်တစ်မျိုးက Brownie ပါ..။ Brownie ကလူတိုင်းရင်းနီးပြီးသားမို့ Quiche လုပ်နည်းလေးကို နည်းနည်းပြောပြချင်ပါတယ်...။ ပထမတော့ ကျွန်မအဲဒီမုန့်နာမည်ကို အသံမထွက်တတ်ခဲ့ဘူး...။ ခီးလို့ထွက်တယ်ပဲထင်ခဲ့တာ...။ အဘိဓာန်မှာ အသံထွက်လေးပြန်ကြည့်တော့ "keesh" sh အသံ၊ မြန်မာလို ရကောက်ဟထိုးအသံနဲ့ဆုံးတယ် ဒါကြောင့် “ခီးရှ်”ဆိုတဲ့အသံမှန်ကို သိသွားခဲ့ရတာ...။ ဒီမုန့်ကိုစလုပ်တော့ ထောပတ် နို့ မလိုင်တွေ ကြက်ဥတွေ နောက် ချိစ်ကလည်း သုံးမျိုးတောင်ပါတော့ တော်တော်အီပျစ်နေမယ့် မုန့်ပဲ စားနိုင်ပါ့မလားလို့ထင်ထားခဲ့တယ်...။ တကယ်တမ်း စားကြည့်တော့ လုံးဝမအီဘဲ တော်တော်စားလို့ကောင်းတဲ့ မုန့်တစ်မျိုးဆိုတာ သိလိုက်ရတယ်...။ Ham, Cream, နို့နဲ့ ချီးစ်တွေမျိုးစုံပါတဲ့အတွက် ကုန်ကျစရိတ်များတဲ့ မုန့်ဖြစ်ပါတယ်။ ပီဇာတစ်ချပ်ထက် ပိုဈေးကြီးတယ် ...။ Yangon Bake House မှာတော့ တစ်ချပ်ကို နှစ်သောင်းကျော်လောက်ရောင်းတယ်...။

ဒီမုန့်လုပ်နည်းလေးကို ကျွန်မဆရာရဲ့ Recipe အတိုင်းရေးပေးလိုက်ပါတယ်...။ မုန့်ကို ဓါးနဲ့လှီးထားတာ ဓါတ်ပုံမရိုက်ထားလိုက်မိဘူး...။

မုန့်သားအောက်ခံ Short Dough
Flour 125g
Butter 62g
Water 37g
Salt   2g

ပါဝင်ပစ္စည်းအားလုံးနယ်ပြီး အပြားလှိမ့်ပါ..။ မုန့်ဖုတ်ပန်ကန်ပြားဝိုင်းထဲထည့်ပြီး အပေါ်မီးအောက်မီး 200 ဆီနဲ့ 10မိနစ်ဖုတ်ပါ..။

Quiche Filling
Egg 3 Nos
Flour 25g
Salt  2g
Milk 125g
Cream 125g

အားလုံးကိုဇလုံတစ်ခုထဲမှာရောမွှေပြီး ဇကာစစ်ထားပါ...။ အောက်ခံမုန့်သားပေါ်ကို ကိုယ့်ထည့်ချင်တဲ့ အသီးအရွက်အသားများကို ကြက်သွန်နီဆီသတ်ထားတာကိုထည့်ပါ ဇကာစစ်ထားတဲ့ ခရင်မ်ထည့်ပါ Parmesam, Cheddar, Mozzarella cheese သုံးမျိုးစလုံးဖြူးပြီး 180 မီးအပူမှာ 25မိနစ်ဖုတ်ပါ..။ မုန့်ရမရကို ၀ါးတံလေးနဲ့ထိုးကြည့်ပြီး မုန့်နှစ်တွေကပ်မပါလာရင် ရပါပြီ...။ မုန့်ကိုခဏအအေးခံပြီး ပီဇာလိုပဲ ဓါးနဲ့စိပ်စားပါ...။ ချိစ်နံ့လေးမွှေးပြီး ခရင်မ်နဲ့ကြက်ဥအရသာဆိမ့်နေမယ့် ခီးရ်ှမုန့်လေးကို သုံးဆောင်လို့ရပါပြီ။

ဒါက Pin ကနေ နမူနာယူပြတာ စိပ်လိုက်ရင် အဲလိုမျိုး ပီဇာနဲ့ ခပ်ဆင်ဆင်တူတယ်


Blog တစ်ခုမှာ Pie crush အောက်ခံနဲ့မဟုတ်ဘဲ... အိမ်မှာရှိတဲ့ Sandwich ပေါင်မုန့်နဲ့လည်း အောက်ခံသားထားပြီး Quiche လုပ်လို့ရတာတွေ့လိုက်ရတယ်...။ အဲဒီလုပ်နည်းလေးကို အိမ်မှာလုပ်စားဖြစ်လို့ ပြန်မျှဝေလိုက်ပါတယ်...။


 သာမီးရဲ့ ပေါင်မုန့်အောက်ခံ Quiche မုန့်လေးကြည့်ကြပါဦး...
 ပေါင်မုန့်အနားလေးနဲနဲတူးသွားတာပါ အရသာကတော့ ဂွတ်မှဂွတ်ပဲ...ဆိမ့်မွှေးနေရော





2 pieces sandwich bread
1 egg
100 milk
100 whipping cream
1Tbsp permasan cheese
1 thyme (optional)
salt and pepper, to taste
topping : Ham, Cherry tomato, mushrooms, leek or onion, Pizza cheese


မုန့်ဖုတ်မယ့် 19.5 x 13.5 cm တစ်ခါသုံးသတ္တုခွက် သို့မဟုတ် အပူခံကြွေခွက်အပြားကို ထောပတ်သုတ်ထားပါ...။ ပေါင်မုန့်နှစ်ချက်ကို ဒလှိမ့်နဲ့ ပြားချပ်နေအောင်လှိမ့်ပြီး မုန့်ဖုတ်ခွက်ထဲ ခင်းလိုက်ပါ...။ ကြက်ဥ နို့ ခရင်မ် ချီးစ် ဆားနဲ့ ငရုတ်ကောင်းတို့ကို ဇလုံတစ်ခုထဲမှာထည့်ပြီး သမအောင် မွှေတံနဲ့မွှေထားပါ...။ ပါဝင်တဲ့ topping များကို ပေါင်မုန့်ပေါ် ဖြန့်ခင်းပြီး မွှေထားတဲ့ ခရမ်အရည်ကို ဇကာစစ်ပြီး အပေါ်ကလောင်းထည့်ပါ...။ topping ကိုလည်း ကိုယ်နှစ်သက်ရင်နှစ်သက်သလို ဟင်းနုနွယ် ငရုတ်ပွ စသဖြင့် အကုန်ထည့်နိုင်ပါတယ်...။ cheese များများကြိုက်ရင် အပေါ်မှာထပ်ဖြူးပြီး 180C ကြိုတင်အပူပေးထားတဲ့ oven ထဲမှာ 25-30 mins အထိဖုတ်ပေးပါ...။ ထုံးစံအတိုင်း မုန့်ကျက်မကျက်ကို ၀ါးထိုးတံလေးနဲ့ ထိုးကြည့်ပါ...။ ခရင်မ်သားတွေကပ်ပါမလာရင် ရပါပြီ...။ မုန့်ကို အအေးခံပြီး ပီဇာလိုပဲ ဓါးနဲ့စိပ်စားလို့ရပါပြီရှင့်...။ ကျွန်မက မုန့်နှစ်ခုလုပ်တဲ့အတွက် အပေါ်မှာပေးထားတဲ့ Recipe ကိုနှစ်ဆလုပ်ပါတယ်...။

Enjoy Baking!!!!!!

မိုးငွေ့

Friday, 17 November 2017

အမြင့်ကြီးကို..ပျံတဲ့အခါ



ကိုမျိုးကျော့ရဲ့ youtube မှာ ဒီ MTV လေးတွေ့လိုက်တယ်...။ တလောက A Night with Myo Kyawt Myaing အမ်လ်ဘမ်ထဲမှာ ဒီသီချင်းလေးနားထောင်ဖြစ်နေသေးတယ်...။ ကိုမျိုးကျော့က MTV လေးကို သူ့အဖေအတွက် ကိုယ်တိုင်လုပ်ထားတာပါ...။ နိုင်ငံခြားရှုခင်းတွေကို ဖြတ်ညှပ်ကပ်ပြန်ယူပြီး သီချင်းစာသားနဲ့ လိုက်ဖက်အောင် Editing လုပ်ထားတာလေး သိပ်ကောင်းတယ်...။ သီချင်းလေးနားထောင်ရင်း အရုပ်ထဲကိုမျောပါသွားစေလောက်ပါတယ်..။ ကိုမျိုးကျော့ရဲ့ Music Engineering ပညာကိုလည်း တကယ်လေးစားပါတယ်...။ ကိုမျိုးကျော့အဖေက လေယာဉ်မှူးဆိုတော့ ဒီသီချင်းလေးက ကိုယ်စားပြုနေတာပါ...။ နားထောင်ပြီးသား ကြည့်ပြီးသားဖြစ်ပေမယ့်လည်း ကျွန်မဘလော့ဂ်ကိုအလည်လာတုန်း စိတ်အပန်းဖြေရင်း ထပ်နားထောင်သွားကြပါဦးလို့...း)

မိုးငွေ့

Tuesday, 14 November 2017

ကြက်သားကင်.....



Oven ၀ယ်ထားတာ မုန့်ဖုတ်ဖို့အပြင် အသားကင်တွေလည်းလုပ်စားမယ်လို့ ရည်ရွယ်ထားပေမယ့် တစ်ခါမှ မကင်စားဖူးသေးဘူး...။ ၀က်နံရိုးကင်တော့ နှစ်ခါ သုံးခါ လုပ်စားဖူးတယ် BBQ sauce တစ်ဗူး ၀ယ်ထားတော့ အဲဒီဆော့စ်နဲ့ပဲနှပ်ပြီး ကင်တာ တော်တော်ကောင်းတယ်...။ အခုကြက်ကင်ကတော့ Thai Hot Kitchen က လုပ်နည်းလေးကြည့်ပြီး ကင်ထားတာ အသားလေးနူးအိပြီးမွှေးနေတာပဲ နည်းလေးလည်း လွယ်တယ်...။ အသားကင်စားရင် လိမ္မော်ဖျော်ရည်လိုမျိုး Vitamin C ပါတဲ့ သစ်သီးဖော်ျရည်တွေနဲ့ စားသုံးခြင်းအားဖြင့် အသားကင်မှာကပ်ပါနေတဲ့ တူးပြီးကင်ဆာဖြစ်စေတဲ့ အသားတွေကို ဓါတ်ပြယ်စေတယ်လို့ ဖတ်ဖူးပါတယ်..။ ဒါကြောင့် အသားကင်တွေကို သစ်သီးဖော်ျရည် သုိ့မဟုတ် စပျစ်ဝိုင်နီနဲ့ သုံးဆောင်ဖို့ အကြံပေးချင်ပါတယ်ရှင့်..။





ကြက်နုနုအကောင်လိုက် 1 Kg
စပါးလင်    5 ပင်
ငရုတ်ကောင်းမဲ 1/2 tsp
ငရုတ်ကောင်းဖြူ  1/2 tsp
ကြက်သွန်ဖြူ    6 တက်
နံနံမြစ်   3 ခု
သကြား 1 tsp
ဆား  1/2 tsp
ငါးငံပြာရည် 3 Tbs
ပဲငံပြာရည်အနှောက်  1 tsp
ရေ   1/4 ခွက်


ပထမဦးဆုံး ကြက်အကောင်လိုက်ကို မီးဖိုချောင်သုံး ကပ်ကြေးနဲ့ ကြောရိုးကိုညှပ်ထုတ်ထားပြီးရင် ကြက်ကို ပုံမှာတွေ့တဲ့အတိုင်း အပြားလိုက်ရအောင်ချိုးထားပါ...။ ငရုတ်ကောင်းနှစ်မျိုးနဲ့ကြက်သွန်ဖြူကို ညှက်အောင်ထောင်းပြီး နံနံမြစ်ပါထည့်ထောင်းပါ...။ အားလုံးညက်သွားရင် သကြား ဆား ငါးငံပြာရည် ပဲငံပြာရည် နဲ့ ရေတို့ကို ငရုတ်ဆုံထဲထည့်ရောသမလိုက်ပါ...။ ရလာတဲ့ ဆော့စ်အရည်ကို ကြက်အကောင်လိုက်ပေါ်လောင်းပြီး နှပ်ထားပါ...  အမြန်ကင်စားချင်ရင်တော့ တစ်နာရီ ပိုပြီးအရသာဝင်ချင်ရင်တော့ တစ်ညသိပ်နှပ်ထားပေးပါ...။ ဆော့စ်တွေကို အသားထဲပိုဆိမ့်ဝင်စေဖို့ ရင်ပုံသားနားက အရေပြားထဲကို လောင်းထည့်ပြီးနှပ်ပါ...။  ကင်ခါနီးကျမှ ဗန်းပေါ်ကို အပြားရိုက်ထားတဲ့ စပါးလင် အပိုင်းလေးတွေနဲ့ ပဒဲကော်အပြားတွေ ရှောက်ဘီလူးရွက်တွေ ခင်းပြီး ရေနဲနဲလောင်းလိုက်ပါ ပြီးမှအဲဒီပေါ်ကို နှပ်ထားတဲ့ ကြက်အကောင်လိုက်ကို တင်လိုက်ပါ..။ 180ဒီကရီအပူချိန်မှာ တစ်နာရီလောက်ကင်ပေးပါ...။ ကင်နေရင်း ရေခမ်းသွားရင် ရေထည့်ထည့်ပေးပါ...။ ကြက်သားကျက်သွားရင်တော့ အောက်ခံအရည်ကို စောစောက ဖြတ်ထားတဲ့ ကြော်ရိုးပြုတ်ထားတဲ့ အရည်နဲ့  အုန်းနို့ ပဲငံပြာရည် သံပုရာရည်တို့နဲ့ ပြန်ကျိုပြီး အသားကင်အတွက် ဆော့စ်တစ်ခွက် ချက်လိုက်ပါ...။ ကျွန်မကတော့ ကြက်ကင်ဘေးနားကို ငရုတ်ပွအ၀ါနီနဲ့ ချယ်ရီခရမ်းချဉ်သီးတွေ မုန်လာဥနီတွေ ပန်းပွင့်စိမ်းတွေပါ ထည့်ကင်တယ်...။ ရလဒ်ကတော့ ကြက်ကင်အသားလေးက နူးအိပြီးမွှေးနေရော...။ ဒါကို ယိုးဒယားသဘောင်္သီးထောင်း၊ ကောက်ညှင်းပေါင်းတို့နဲ့ တွဲဖက်စားသုံးရတာ နဲ့လည်းလိုက်ဖက်ပါတယ်....။







Enjoy Baking !!!!! 
မိုးငွေ့

Friday, 10 November 2017

မင်းအနားမှာ.....ဆုံနိုင်ခွင့်



ဆုံနိုင်ခွင့်ဆိုတဲ့ စီးရီးစထွက်တော့ ကျွန်မက ယူနီဗာစီးတီးကျောင်းတက်ခါစ...။ အဲတုန်းက ဘားလမ်းက တေးသံသွင်းဆိုင်တွေမှာ ခွေကို ကိုယ်တိုင်သွားဝယ်တာ မခိုင်ကြီး(ထွန်းအိန္ဒြာဗို)နဲ့ အဲလက်စ်တို့ရဲ့ ပိုစတာလိုချင်လို့...။ စီးရီးတစ်ခွေဝယ်ရင် ပိုစတာတစ်ခုရတယ်...။ ရလာခဲ့တဲ့ပိုစတာကို မှတ်မိသေးတယ် ကျွန်မအိပ်တဲ့ ကုတင်နံရံဘေးမှာကပ်ထားခဲ့တာ....။ ကိုယ့်ခေတ်က သီချင်းမို့လားမသိ ဘယ်ချိန်နားထောင် နားထောင်ရိုးအီမသွားဘူး...။ မနှစ်က မခိုင်ကြီးနဲ့ အက်လက်စ်တို့ ဆုံနိုင်ခွင့်ဆိုပြီး MCC Hall မှာ ပွဲလုပ်တော့ သွားကြည့်ချင်လိုက်တာဆို မကြည့်လိုက်ရပါဘူး..။ ဒီသီချင်းနှစ်ပုဒ်လဲ ကျွန်မနေ့စဉ်အလုပ်လာတိုင်း နားထောင်နေကျ I Tune ထဲက ကျွန်မအကြိုက်ဆုံး သီချင်းတွေထဲကပဲ...။



ဒီတစ်ပတ် သုံးရက်ဆက်ပိတ်တယ်... 
ပင်လယ်ကို အိန်ဂျယ်နဲ့တွေ့ဖို့ ခရီးသွားမှာမို့ ဒီသီချင်းလေးနှစ်ပုဒ်နဲ့ နှုတ်ဆက်ခဲ့ပါတယ်...
~~~~~~ Hello Angel... see you on the beach  ~~~~~~
 ပျော်ရွှင်သောပိတ်ရက်ကလေးများဖြစ်ကြပါစေ...း)
TGIF!!!!!

မိုးငွေ့

Thursday, 9 November 2017

ကောင်းကင်ရဲ့အလင်း.....




ဒီမနက် အလုပ်သွားရင်း ကားပေါ်မှာ နားကျပ်လေးနဲ့နားထောင်ဖြစ်ခဲ့တဲ့ ကိုညီထွဋ်ရဲ့ “ကောင်းကင်ရဲ့အလင်း”...။ ဒီသီချင်းကို နားထောင်ခဲ့ဖူးတာ ဆယ်စုနှစ်တစ်ခုတောင် တော်တော်ကျော်ခဲ့ပြီ...။ ခုပြန်နားထောင်တော့ စကားလုံးတွေတစ်လုံးချင်းဆီက ရင်ထဲထိကို ခံစားသက်ဝင်လို့လာပြန်တယ်...။

...တလောကလုံးနဲ့ နှိုင်းယှဉ် ကိုယ်အချစ်ဆုံးကမင်းလေး ရှေ့မှာ ဘာတွေဖြစ်မလဲ မစဉ်းစားဘူး မင်းလက်တွဲပြီးသွားမယ် ဒါဟာ ကံကောင်းခြင်းလို့ပဲ မှတ်ယူ...ဘာတွေလိုအပ်ဦးမလဲ ချစ်သူရယ်...တကယ်ဆို ငါမင်းမရှိရင် မဖြစ်တာပါ အချိန်တွေတိုင်းမှာ မင်းကလိုအပ်လို့ အမှောင်တွေဖယ် လမ်းပြပါ အလင်းရောင်ရယ်...ကိုယ်ဟာ ကယ်တင်ဖို့လိုနေတယ်... 

မိုးငွေ့

Sunday, 5 November 2017

ဘန်ကောက်စာ.....


ဘန်ကောက်သွားတုန်းက ရိုက်ထားတဲ့ အစားသောက်ပုံလေးတွေပြန်ကြည့်ပြီး  ပြန်စားချင်လာမိ...။ ကိုယ့်ချင်ခြင်းတက် သရေကျစရာအစားများကို စာလာဖတ်သူများလည်း သရေကျအောင်လို့ တင်ပေးလိုက်ပါတယ်...။

စရောက်တဲ့နေ့က ဟိုတယ်နားက မောတစ်ခုမှာ နေ့လည်စာဝင်တီးကြတာ သဘောင်္သီးထောင်း ကြက်ကင်နဲ့ ကောက်ညှင်းပေါင်း


ကျွန်မတို့ ရန်ကုန်မှာ ထိကရုန်းကို တို့စရာအနေနဲ့ပဲစားတတ်ကြတာ 
သူတို့ထိုင်းဟင်းပွဲတွေမှာတော့ ထိကရုန်းဝက်သုံးထပ်သားကြွပ်ကြော်က နာမည်ကြီးဟင်းပွဲ .. 
ထိကရုန်းကနုနေမှ စားကောင်းတာ ခရုဆီနိုင်းချင်းနဲ့ ကြော်ထား


ယိုးဒယားမုန့်ဟင်းခါး... ငါးကို အုန်းနို့နဲ့ သူတို့ ထိုင်းဟင်းခတ်အမွှေးတွေနဲ့ခပ်ပျစ်ပျစ်လေးချက်ထားတာ ပဲသီး ပဲပင်ပေါက် နံနံပင် ဂေါ်ဖီနဲ့စားရတာ ချိုဆိမ့်မွှေး စားလို့အရမ်းကောင်း


ဘလူးဗယ်ရီဖျော်ရည်တဲ့ ကိုယ်တွေဆီက သံဗူးလိုမျိုးပါပဲ


ဒါက ပိုးဈေးနားက တရုတ်တန်းလမ်းဘေးဆိုင်က ကွေ့သယို


မောထဲက ဂျပန်ဆိုင်မှာ ညစာစား ဖက်ထုပ်ပေါင်း



ဂျပန်စာစားနေရင်းနဲ့ တွေ့ခဲ့တဲ့ ငှက်ပျော်ကြော်ကို လက်လွှတ်လိုက်ရမှာစိုးလို့ ထပြီးခဏသွားဝယ်လိုက်သေး


ဟောင်ကောင်တရုတ်ဆိုင်တစ်ဆိုင်က နေ့လည်စာ ဒီဆိုင်လည်းအစားသောက်ကောင်းတယ်...


ဝက်အသားကင် အခေါက်ကင်


ဘဲခြေထောက်ခေါက်ဆွဲပေါင်း ဒီဟင်းလေးလည်း သိပ်ကောင်းတယ် 


ဟိုတယ်က မနက်စာ ဆန်ပြုတ်


Union Mall အပေါ်ထပ်က Boat Noodles တစ်ပွဲကို အဲလောက်ပိစိကလေးပဲပါတယ် မ၀ဘူး နှစ်ပွဲလောက်စားမှ


Boat Noodles က ငရုတ်ကောင်းများတော့ စပ်တယ် စားပြီး မုန်လက်ဆောင်းနဲ့ အချိုတည်း
အသက်ကြီးလာရင် မပြိုလဲအောင်အချိုတည်းတဲ့ ကြားဖူးတယ်မဟုတ်လား


ဟိုတယ် မနက်စာ


ထိုင်းပိုးဈေးက နေ့လည်စာ ကြက်ဆီထမင်း


ကြက်ဆီထမင်းစားပြီးတော့ ထိုင်းဖါလူဒါ သိပ်ကောင်းပဲ

ပြန်ခါနီးမနက် wet market သွားပြီး အသားလုံးသွားဝယ်တာ 
သူတို့ ငါးခြောက်တွေသန့်ပြီးလှနေလို့ ပုံတွေရိုက်လာခဲ့



ငါးခြောက်ကြော်ပြီးသားတွေကို အဲလို ပလပ်စတစ်အိတ်နဲ့ သပ်သပ်ရပ်ရပ်လေးစီပြီးရောင်း

အစားအသောက်မှာ presentation သိပ်လှတော့ ၀ယ်ချင်စရာဖြစ်တာပေါ့

ဒီတစ်သက်တော့ ၀ိတ်ကျဖို့လမ်းမမြင် အစားဆိုရင်လာထား...ဆိုတဲ့အမျိုး...း)

မိုးငွေ့